Samtals eru tæplega 13000 tímar í grunninum úr tæplega 200 göngum/vegalengdum.

Flestir þátttakendur voru á árunum 2015-2019, en fjöldinn hefur verið svipaður frá árinu 2022.

Matseðill

Lax í teryakisósu
Plokkfiskur
Tómatleginn saltfiskur með ólívum
Grillaðar gellur með rækjum í hvítvínssósu
Grillaður steinbítur í hvítlauksolíu

Vegan lasagna

Fjölbreytt salat og meðlæti

Í Ski Classics keppir fólk ekki fyrir landslið heldur fyrir atvinnulið, en Andreas Nygaard fékk sinn fyrsta samning hjá atvinnuliði eftir að hafa náð sjötta sæti í Vasagöngunni árið 2014. Það þótti eftirtektarvert við þann árangur að Nygaard stoppaði á leiðinni til að leita að skíðagleraugum sem hann missti. Hann var á þessum tíma fátækur læknanemi og tímdi ekki að skilja gleraugun eftir í snjónum. Eftir að hafa fundið þau náði hann fremsta hópnum aftur og endaði sem fyrr segir í sjötta sæti. Sagan segir að þessi framganga hafi vakið athygli atvinnuliðanna og tryggt Nygaard samning hjá Team Centric liðinu, sem í dag heitir Team Ragde Charge.

Allar götur síðan hefur Andreas Nygaard verið í fremstu röð. Hann hefur t.d. unnið Vasagönguns tvisvar sinnum, Birkibeinagönguna fimm sinnum og Marcialonga vann hann árið 2025. Þá hefur hann þrisvar sinnum unnið gula vestið, heildar stigakeppni Ski Classics og tvisvar sinnum unnið græna vestið, sem er sprettkeppni innan Ski Classics.

Fyrr á þessu árið var Andreas Nygaard til umfjöllunar í norska íþróttatímaritinu Kondis. Þar segir blaðamaðurinn m.a.: „Hann hefur fært landamæri, slegið met og endurskilgreint heila íþrótt … sigursælasti karlkyns keppandinn í sögu Ski Classics“.

Við hlökkum til að fá Andreas Nygaard á ráslínuna á Seljalandsdal þann 18. apríl.

Eftir frekar snjóléttan vetur framanaf hefur snjór komið í talsverðu magni. Fossavatnsgöngunni hefur aldrei verið aflýst vegna snjóleysis og það stefnir ekki í það í ár heldur.

Við erum duglegri að uppfæra Facebook– og Instagram-síðurnar okkar heldur en þessa hér.

Almenningur og samstarfsaðilar hafa tekið mjög vel í þetta og hafa í heildina safnast tæplega 700 GB af efni. Eins og almennt er um efni af þessu tagi eru nýleg myndbönd þyngst á þann mælikvarða, en þó eru í safninu talsvert af ljósmyndum, sú elsta frá árinu 1936.

Úrvinnslu þessa efnis lýkur aldrei, en nú þegar hafa ýmsar ljósmyndir verið birtar. Á Youtube-síður göngunnar munu í janúar birtast vikulega ein samantekt frá göngum frá upphafi aldarinnar, sem fundust á VHS og DVD-sniði.

Enn tekur gangan fagnandi við öllu efni sem fólk kann að eiga í sínum fórum frá fyrri göngum, og gildir einu á hvaða sniði það er.

Í kvennaflokki sigraði hin sænska Karin Björnlinger næsta örugglega, en Maríurnar Kristín og Sif náðu öðru og þriðja sæti.

68 þátttakendur frá 14 löndum luku keppni í 25 km göngunni í nokkuð hlýju veðri og lygnu til að byrja með. Eftir vorveður síðustu daga var brautin mjög mjúk og gaf litla viðspyrnu fyrir skíði og stafi.

Einar Árni Gíslason
Dagur Benediktsson
Snorri Einarsson

Karin Björnlinger
María Kristín Ólafsdóttir
María Sif Hlynsdóttir

Einnig fór fram Fjölskyldufossavatnið 5 km og og Krakkafossavatnið, sem er 1 km þrautabraut fyrir allra yngstu þátttakendurna.

Brautarstjórar hafa ráðið ráðum sínum og staðan á göngusvæðinu er þannig að ekki verður hægt að troða 50 km hringinn, heldur verða gengnir tveir 25 km hringir. Þeir verða að mestu leyti svipaðir og síðustu ár en taka smávægilegum breytingum eftir því hvernig snjór hefur sest í lægðir og á holt. Orka troðarakarlanna verður sett í að tryggja að mark- og startsvæðið á Seljalandsdal verði með nóg af snjó.

Næstu daga verða brautir ekki troðnar fyrr en í tengslum við Næturfossavatnið á miðvikudaginn. Þær brautir sem eru á svæðinu nú þegar halda sér ágætlega og er auðrataðar. Þau sem verða mætt tímanlega geta því tekið út svæðið dagana fyrir göngu. Skíðasvæði Ísafjarðarbæjar setur inn fréttir reglulega af troðslu.

Til viðbótar við veðurupplýsingar sem allir kunna að finna, minnum við á veðurstöðvar sem Fossavatnsgangan rekur á völdum stöðum. Þær má sjá neðst á Fossavatn.is. Áburðarráð verða gefin út á föstudag þegar veður liggur betur fyrir.

Við hlökkum til!

Við reynum að halda ykkur upplýstum á Facebook og Instagram.

Stundum, eins og árið 2019 (sjá mynd) hefur gangan verið flutt upp á Breiðadalsheiði, og stundum eru gerðar breytingar á legu brautarinnar, en það er alltaf nógur snjór. Í ár eru snjóalög mjög góð og allt útlit fyrir að allir 50 km verði troðnir.

Síðasta ganga sem féll niður var 2020, og þar áður 1954.

Upplýsingar um snjóalög og troðna kílómetra er hægt að sjá til dæmis hjá Skíðasvæði Ísafjarðarbæjar á Facebook, og svo erum við í Fossavatnsgöngunni að reyna að vera duglegri að birta myndir á Facebook og Instagram.

Norski skíðagöngumaðurinn Anders Aukland hefur boðað komu sína í Fossavatnsgönguna í apríl næstkomandi. 

Aukland á stórglæsilegan feril að baki, en hann var m.a. í boðgöngusveit Norðmanna sem vann gull á Ólympíuleikunum árið 2002 og heimsmeistaramótinu 2003. Hann komst þrettán sinnum á verðlaunapall á heimsbikarmótum og hefur sigrað í þremur nafntoguðustu skíðagöngumótum heims, Vasagöngunni, Birkibeinagöngunni og Marcialonga.  Þá hefur hann tvisvar sinnum sigrað í stigakeppni Ski Classics mótaraðarinnar.  Aukland er að auki fantagóður hlaupari og á Noregsmeistaratitla í 5000 og 10000 metra hlaupum, sem og í víðavangshlaupi.

Anders Aukland er tvímælalaust einn af þeim mönnum sem hafa haft hvað mest áhrif á þróun skíðagönguíþróttarinnar síðustu árin og áratugina.  Hann var, ásamt bróður sínum Jörgen og fleiri köppum, í hópi þeirra sem leiddu hina gríðarlegu þróun á tvöföldu staftaki (sem innvígðir vita hvað er, en aðrir sennilega ekki), sem hefur orðið til þess að breyta landslaginu í skíðagöngu umtalsvert. Hann var líka einn af lykilmönnunum í stofnun Ski Classics mótaraðarinnar, sem nú nýtur mikilla vinsælda um allan heim.

Þótt Anders Aukland sé skriðinn yfir fimmtugt er hann enn mjög virkur og öflugur skíðagöngumaður, auk þess sem hann heldur úti vinsælu hlaðvarpi um skíðagöngu á netmiðlum norska ríkisútvarpsins, NRK. Það er mikill fengur fyrir íslenska skíðagöngusamfélagið að fá svona mann í heimsókn og við hlökkum til að taka á móti honum í blíðunni á Seljalandsdal.