Dagsetning
9. apríl 2025
Ræsing
22:00
Gönguaðferð
Frjáls
Keppnislýsing
Keppnin hefst kl. 22:00 í báðum göngum. Gengið verður inn í kvöldið og nóttina. Slökkt verður á lýsingunni á skíðasvæðinu, en þátttakendur ganga með sín eigin ennisljós.
Keppnisfyrirkomulag er þannig að um einstaklingskeppni er að ræða. Hægt er að velja á milli þess að ganga 70 km eða 35 km. [Áður var gangan parakeppni, en frá 2025 er hún einstaklingskeppni.]
Keppt er með frjálsri aðferð, þ.e.a.s. fólk ræður hvort það gengur hefðbundið eða skautar. Einnig má skipta um aðferð ef fólk vill, en vinsamlegast hafið bara eitt par af skíðum (og öðrum búnaði) fyrir hvora aðferð. Hægt er að láta ferja aukabúnaðinn upp í farangurshólfið við brautina (sjá hér að neðan).
Þátttakendur sjá sjálfir um sína drykki og annað nesti. Farangurinn verður fluttur á sleða frá startinu og í farangurshólf við brautina í 7,25 km hringnum. Þar getur fólk svo stoppað til að næra sig (eða skipta á milli skauta- og hefðbundins búnaðar) þegar þurfa þykir. Að keppni lokinni verður farnagurinn svo aftur ferjaður niður á marksvæðið, en þó gæti mögulega þurft að bíða svolítið eftir þeim flutningi.
Hægt er að geyma töskur með þurrum fötum í skíðaskálanum. Þar verður einnig í boði súpa og brauð fyrir alla þáttakendur.
Brautarlýsing
Ræst við skíðaskálann á Seljalandsdal. Fyrst er farið upp á Háubrún og fimm hringir teknir þar (ekki er komið niður á neðra svæðið á milli) og loks komið aftur niður að skálanum og í mark. Keppendur bera sjálfir ábyrgð á því að telja hringina rétt, en millitímastöð verður staðsett á Háubrún.
| Hve oft | Vegalengd | |
|---|---|---|
| Start – Háabrún | 1 | 1,9 km |
| Hringur um Háubrún og Eiríksmýri | 5 | 6,56 km x 5 = |
| Háabrún-mark | 1 | 1,4 km |
| 35 km |
