Söfnun mynda og myndbanda í tilefni afmælis gekk vel

Haustið 2024 fékk Fossavatnsgangan styrk úr Uppbyggingarsjóði Vestfjarða til að safna saman myndum og myndböndum úr langri sögu göngunnar.

Almenningur og samstarfsaðilar hafa tekið mjög vel í þetta og hafa í heildina safnast tæplega 700 GB af efni. Eins og almennt er um efni af þessu tagi eru nýleg myndbönd þyngst á þann mælikvarða, en þó eru í safninu talsvert af ljósmyndum, sú elsta frá árinu 1936.

Úrvinnslu þessa efnis lýkur aldrei, en nú þegar hafa ýmsar ljósmyndir verið birtar. Á Youtube-síður göngunnar munu í janúar birtast vikulega ein samantekt frá göngum frá upphafi aldarinnar, sem fundust á VHS og DVD-sniði.

Enn tekur gangan fagnandi við öllu efni sem fólk kann að eiga í sínum fórum frá fyrri göngum, og gildir einu á hvaða sniði það er.