Skráning fyrir 2027 hafin

Í dag, 1. ágúst, hófst skráning í næstu Fossavatnsgöngu á skraning.fossavatn.is. Nú er tíminn til að skrá sig á spjöld sögufrægustu skíðagöngu landsins.

Dagsetningar

Fossavatnsgangan (12,5, 25 og 50 km) verður gengin laugardaginn 17. apríl 2027. NæturFossavatnið (35 og 70 km) fer fram 14. apríl og Fossavatnsskautið ásamt fjölskyldu- og krakkagöngunum (1 og 5 km) verða 15. apríl. Nánari upplýsingar um dagskrána má finna á fossavatn.is/dagskra.

Ný áburðarþjónusta

Í netversluninni og samhliða skráningu er nú í boði opinber áburðarþjónusta Fossavatnsgöngunnar. Í boði eru tveir valkostir svo göngufólk geti mætt á rásmark með fullkomlega undirbúin skíði.

Ekki gleyma miðanum í partýið

Fossavatnspartýið er einn af hápunktum helgarinnar. Aðgöngumiðar fást í netversluninni eða samhliða skráningu og við hvetjum alla til að tryggja sér miða tímanlega, því oft selst upp.

Fossaþrek hefst í september

Í september hefst Fossaþrek á Ísafirði, æfingaáætlun sem undirbýr göngufólk fyrir veturinn framundan. Tímarnir eru opnar öllum, hvort sem fólk er að taka sín fyrstu skref á gönguskíðum eða stefnir á toppinn.

Líkamsræktarstöðvum og líkamsræktarfrumkvöðlum er guðvelkomið að nota æfingaáætlanirnar í heild eða hluta, og kalla þær Fossaþrek eða bara eitthvað annað. Því fleiri sem eru í góðu standi þegar snjórinn kemur, því betra. Ýtingavélarnar (SkiErg eða sambærilegar) eru merkilega víða, enda vinsælar í Crossfit.

Settu þér markmið fyrir veturinn

Haustið er tíminn til að líta fram á veginn. Hvort sem markmiðið er að klára fyrstu 12,5 km, bæta tímann í 50 km göngunni eða einfaldlega njóta útivistar í vetur, nú er rétti tíminn til að setja sér markmið og skrá sig til leiks.

Við hlökkum til að sjá ykkur á Ísafirði næsta vor!