Andreas Nygaard sigrar Fossavatnsgönguna 2026

Hinn norski Andreas Nygaard sigraði 50 km Fossavatnsgönguna á tímanum 02:22:34.8. Andreas var tæpum tveimur mínútum á undan næsta manni í mark, sem var hinn Tékkinn Stanislav Rezac, á tímanum 02:24:10.9. Þriðji var Ítalinn Riccardo Mich, á tímanum 02:25:19.4.

Fyrst kvenna var Sophia Velicer sem keppir fyrir Taívan. Hún kom í mark á tímanum 02:51:32.6, en Sophia var einnig sigurvegari í 25 km Fossavatnsskautinu sem fór fram á fimmtudaginn. Önnur kvenna var Annika Landis frá Bandaríkjunum, á tímanum 02:55:29.8, og þriðja var hin norska Lea Stabæk Wenaas á tímanum 02:55:35.2.

Öll úrslit úr göngunni má finna á www.timataka.net.

Aðstæður fyrir keppnina hefðu varla getað verið betri, flennifæri og dásamlegt veður, hiti um frostmark, nær heiðskírt og hægur vindur.