Þetta er Steinninn með stóru s-i. Steinninn er í Engidal, nálægt Fossavatninu, og var kennileiti við upphaf göngunnar alla tíð frá 1935. Síðan gangan var lengd upp í 50 km. liðast brautin frá Seljalandsdal og út að Steini og til baka aftur, og er Steinninn þá miðpunktur göngunnar. Þröstur Jó, brautarstjóri, fór nýlega að kanna snjóalög og var hann ánægður með útlitið. Eins og þátttakendur hafa gert í gegnum tíðina, ber vindurinn mikla virðingu fyrir Steininum, svo mjög að snjó er ekki leyft að setjast rétt í kringum hann.

Snjóalög eru prýðileg og allt útlit fyrir góða Fossavatnsgöngu.