Nú styttist í að veislan hefjist. Brautarstarfsmenn og troðarakappar skíðasvæðisins hafa unnið baki brotnu við að tryggja að gangan geti farið fram þrátt fyrir að snjór hafi minnkað meira en við hefðum kosið. Eftir fund í gær var eftirfarandi ákveðið:

• Fossavatnsgangan fer fram eins og að var stefnt.

• Start og mark verða á hefðbundnum stað á Seljalandsdal.

• 50 km verða í einum u.þ.b. 46 km hring.

• 25 km (bæði hefðbundið og skaut) verða u.þ.b. 24 km.

• 12,5 km verða u.þ.b. 9 km.

• 5 km gangan á fimmtudeginum verða u.þ.b. 4 km.

Rástímum hefur verið breytt lítillega frá því sem áður var auglýst:

Fimmtudagur:

• 25 km og 5 km fara af stað kl. 17:00

• 1 km fer af stað kl. 17:15.

Laugardagur:

• Startið í 50 km göngunni verður opið kl. 08:00-08:30

• Startið í 25 km og 12,5 km verður opið 08:30-09:00

Fleiri gagnlegar upplýsingar má finna í sérstöku Fossavatnsgöngublaði.

Nýjustu fréttir eru jafnan fyrst settar inn á Facebook og hingað á heimasíðuna í kjölfarið.