Fossavatnsgangan, stærsta skíðagöngumót landsins, fór fram á Ísafirði í dag, laugardag. Það voru þau Nadja Kaelin frá Sviss og Mathias Aas Rolid frá Noregi sem komu fyrst í mark í kvenna- og karlaflokki í 50 kílómetra göngunni. Efstu Íslendingarnir í göngunni voru þau Snorri Einarsson frá Ísafirði og Andrea Kolbeinsdóttir frá Reykjavík.
Alls 300 keppendur voru mættir á ráslínuna fyrir 50 kílómetra gönguna klukkan 8 í morgun en þar að auki voru 92 keppendur í 25 kílómetra göngunni og 37 í 12,5 kílómetra göngunni. Vegna leysinga undanfarnar vikur þurftu skipuleggjendur göngunnar og starfsfólk skíðasvæðisins á Ísafirði að vera lausnamiðaðir í lagningu brautanna, og raunar voru brautirnar allar styttri en venjulega; 50 km brautin var um 46 km, 25 km brautin var um 24 km og 12,5 km brautin var um 9 km. Þrátt fyrir skort á nýjum snjó voru aðstæður í brautunum nokkuð góðar, með hröðu rennsli í efstu brekkunum.
Úrslit
50 km
F
1. Nadja Kaelin CHE – 02:26:15.3
2. Elisabeth Schicho DEU – 02:34:29.2
3. Andrea Kolbeinsdóttir ISL – 02:42:12.6
M
1. Mathias Aas Rolid NOR – 02:04:01.5
2. Petter Soleng Skinstad NOR – 02:06:41.6
3. Ilya Chernousov CHE – 02:07:47.4
25 km
F
1. Árný Helga Birkisdóttir ISL – 01:41:53
2. Sigríður Gísladóttir ISL – 01:54:05
3. Nina Simonsen Veggum NOR – 01:58:11
M
1. Grétar Smári Samúelsson ISL – 01:16:26
2. Hjalti Böðvarsson ISL – 01:27:38
3. Sigurjón Hallgrímsson ISL – 01:33:13
12,5 km
F
1. Dagný Emma Kristinsdóttir ISL – 00:32:49
2. María Sif Hlynsdóttir ISL – 00:40:07
3. Sölvey Marie Tómasdóttir ISL – 00:44:38
M
1. Birkir Kári Gíslason ISL – 00:36:04
2. Heimir Logi Samúelsson ISL – 00:38:31
3. Þorkell Máni Erlingsson ISL – 00:38:49
