Snorri Einarsson kom fyrstur í mark í karlaflokki og hin svissneska Nadja Kälin í kvennaflokki í 25 km Fossavatnsskautinu sem fór fram 13. apríl 2023. Blíðskaparveður var á Seljalandsdal og mjúkt færi. Einnig fóru fram 5 km FjölskylduFossavatnið og 1 km KrakkaFossavatnið.
Svisslendingurinn Ilya Chernusov varð í öðru sæti í karlaflokki og Norðmaðurinn Mathias Aas Rolid í þriðja, rúmum tveimur mínútum á eftir fyrsta manni. Ekki langt á eftir þeim komu Petter Soleng Skinstad og Robin Frommelt.
Í kvennaflokkinum vann sem fyrr segir Nadja Kälin, Andrea Kolbeinsdóttir önnur og Ísfirðingurinn Dagný Emma Kristinsdóttir þriðja.
Í kvennaflokki í 5 km göngunni sigraði María Sif Hlynsdóttir, Sölvey Marie Tómasdóttir var önnur og Hekla Malín Ellertsdóttir þriðja.
Matthías Karl Ólafsson sigraði í 5 km göngu karla, Arnar Gauti Gíslason var annar og Magnús Hrafn Einarsson þriðji.
Öll úrslit er hægt að sjá í rauntíma á Timataka.net.
![](https://fossavatn.is/wp-content/uploads/2023/04/340617194_746716297089879_8620042404595628210_n-768x1024.jpg)
![](https://fossavatn.is/wp-content/uploads/2023/04/340873187_1434805374022813_3381793778219220479_n-edited-1024x576.jpg)
![](https://fossavatn.is/wp-content/uploads/2023/04/329826938_223353173621189_1548295576664349895_n-1024x683.jpg)
![](https://fossavatn.is/wp-content/uploads/2023/04/340059688_1242973652974961_637069678032591677_n-1024x683.jpg)