Fossavatnsgangan hlaut á dögunum hvatningarverðlaun íþrótta- og tómstundanefndar Ísafjarðarbæjar, en árlega veitir nefndin þessi verðlaun fyrir óeigingjarnt starf í þágu íþróttahreyfingarinnar.
Í umsögn segir meðal annars: „Fossavatnsgangan hefur stækkað töluvert undanfarin ár og setur nú mikinn svip á bæjarfélagið ár hvert. Að göngunni kemur fjöldinn allur af sjálfboðaliðum úr samfélaginu okkar, sem tekur þátt ár eftir ár. Með dugnaði og elju forsvarsmanna keppninnar og sjálfboðliðum tekst þeim að gera þessa sögufrægu skíðagöngukeppni að glæsilegum viðburði, bænum til mikils sóma.“ Kristbjörn Róbert Sigurjónsson—Bobbi—tók við verðlaununum fyrir hönd göngunnar frá Guðnýju Stefaníu Stefánsdóttur formanni nefndarinnar og Birgi Gunnarssyni bæjarstjóra og skíðagöngukappa.
